ՍԻՆԱՊՍ ԽՈՐՀՈՒՐԴՆԵՐ

1. Մի՛ կերակրեք երեխային, երբ նա հեռուստացույց է դիտում:

Հիացած լինելով շարժվող պատկերներով՝ նա ուտում է ամեն տեսակի կերակուր: Այդ սովորությունը հետագայում առաջ է բերում մարսողական խանգարումներ, հաճախ նաև՝ ճարպակալում: 

2. Թույլ մի՛ տվեք, որ փոքրիկները դիտեն սարսափեցնող հաղորդումներ:

Այդ հաղորդումները ազդում են երեխայի հոգեբանության վրա, առաջացնում ագրեսիա:

3. Սովորեցրե՛ք չվախենալ սխալներից:

Հաճա՛խ խոսեք սխալվելու, պարտվելու մասին: Հաճախակի հնդիպող խնդիրներից մեկն է, երբ երեխան վախենում է պարտվելուց կամ սխալվելուց: Այս դեպքում երեխան կարող է արտահայտել տարբեր վարքային դրսևորումներ՝ ագրեսիվ վարք, կամակորություն և այլն:

4. Երեխային ինչ-որ բան բացատրելիս կամ ուղղակի զրուցելիս նստեք, այնպես, որ ձեր հայացքները բախվեն և լինեն մեկ հարթության վրա:

5. ՙՙԽնդրում եմ՚՚ և ՙՙշնորհակալություն՚՚ բառերը բոլորի համար են, եթե սովորեցրել եք փոքրիկին ասել այս բառերը, ապա դուք նույնպես օգտագործեք դրանք երեխայի ներկայությամբ: